editor

Policia e Shtetit ka bërë publike masat që do të merren për të garantuar sigurinë e vizitës së sotme të presidentit turk Recep Tayyip Erdogan në Tiranë. Mësohet se Policia e Shtetit ka marrë një sërë masash, duke filluar nga aeroporti i Rinasit, shoqërimi drejt Tiranës në vendet ku do të zhvillohen takimet dhe shoqërimi drejt Rinasit, në përfundim të vizitës.

Po ashtu bëhet me dije se në këtë kuadër do të ketë bllokime të disa segmenteve rrugore, si dhe bllokime të pjesshme të disa segmenteve të tjera, në varësi të takimeve dhe aktiviteteve që do të zhvillohen gjatë vizitës, në Tiranë.

Njoftohet se drejtuesit e automjeteve duhet të shfrytëzojnë autostradën e re Kashar – Rinas, për të qarkulluar në drejtim të aeroportit të Rinasit, pasi aksi i vjetër Kashar – Rinas nga ora 10:00 deri në 11:30, si dhe nga ora 17:00, deri në orën 18:00, të datës, 10.10.2024, do të jetë i bllokuar.

Rrugë të tjera që do të bllokohen janë:

Nga Rinasi – Qafa e Kasharit – Mbikalimi tek Casa Italia – nënkalimi te ish-sheshi “Shqiponja”, Unazë (Astir) – Rrethrrotullimi i Saukut, Rruga e Elbasanit.

Bulevardi “Dëshmorët e Kombit”, nga Ura te ish-Hotel Dajtit deri te sheshi “Nënë Tereza”, rruga “Ismail Qemali”, rruga “Papa Gjon Pali II”, rruga “Ibrahim Rugova” rruga “Ukraina e Lirë”, bulevardi “Zhan D’Ark” dhe rruga “Xhorxh Bush”.

Policia e Tiranës ka zbuluar një magazinë të madhe me lëndë narkotike të llojit kanabis sativa.

Mësohet se magazina është zbuluar në rrugën “Hamdi Pepo” në zonën e quajtur “Qyteti i nxënësve” në kryeqytet.

Operacioni vijon prej mbrëmjes së kaluar, teksa pritet të zbulohen detaje të tjera në orët në vijim dhe nëse ka persona të arrestuar.

E gjithë policia e Tiranës, shërbimet e komisariatit 2 dhe 6 dhe Antidroga e Tiranës ndodhen në aksion, pasi dyshohet se bëhet fjalë për një sasi të madhe lënde narkotike. /BW

Personi që shihni në foton e mësipërme është polici bashkiak në Vlorë, Bruno Jazaj, i cili u dhunua barbarisht mbrëmjen e djeshme në qytetin bregdetar.

Burime për mediat bëjnë me dije se ai ka marrë lëndime serioze dhe është dërguar me urgjencë në spitalin e Vlorës, në pavionin e kirurgjisë.. Mësohet se ai ka marrë plagë në kokë dhe në hundë.

Dyshohet se ai është dhunuar për shkak se ka vendosur gjobë në furgonat e linjës që bëjnë rrugën e fshatrave.

Deri më tani, ende nuk ka një reagim zyrtar nga Policia e Vlorës për çështjen në fjalë

Vrasësit e muratorit shqiptar Rezart Arshiaj, i njohur edhe si Beni, janë kapur nga kamerat e sigurisë gjatë arratisjes së tyre, menjëherë pas krimit të ndodhur në Oratoio, fshat 7 km larg Pizës.

37-vjeçari me origjinë nga Vlora u ekzekutua në oborrin e banesës së tij sapo parkoi furgonin, ndërsa autorët i kishin bërë pritë.

Sipas mediave italiane, Beni Arshiaj është qëlluar për vdekje nga vrasës më pagesë në oborrin e shtëpisë.

Ndërkohë kamerat e sigurisë kanë filmuar dy persona që largohen nga vendngjarja, por identiteti i tyre nuk është zbuluar ende pasi në fytyrë mbanin helmetë.

Në listën e elementëve që do të vlerësohen, është edhe fakti se furgoni në të cilin udhëtonte viktima ishte i regjistruar në emër të një kushëriri të bashkëshortes së tij, pronar i një kompanie të sistemeve elektrike në Vicopisano.

Dhe është pikërisht ambienti familjar ku po heton policia.

Ndonëse, për momentin, në kërkim të motivit dhe vrasësve duket se nuk ka dalë asnjë element i dobishëm për të zbuluar pse Beni Arshiaj u ekzekutua në momentin që do të dilte nga furgoni për të hyrë në shtëpinë ku e prisnin bashkëshortja Ina dhe dy fëmijët e vegjël.

Ndërkohë po hetohet gjithashtu nëse ka qenë i përfshirë në trafikun e drogës apo prostitucionit, si edhe gjakmarrja, por nuk ka rezultuar që ndonjë nga familjarët e tij të ketë kryer vrasje.

Policia po heton gjithashtu të shkuarën e personave që kanë qenë pranë 37-vjeçarit.

Hulumtime shkencore do të kryhen në skuterin e gjetur të djegur në një fushë në zonën industriale të Ospedaletto-s, rreth dy kilometra larg vendit të krimit, në përpjekje për të gjetur ndonjë gjurmë.

Policia mjeko-ligjore do të kontrollojë skuterin për mbetje baruti.

Në ditët në vijim do të kryhen hetime edhe në qelizat telefonike (dy personat e filmuara nga kamera shihen duke përdorur celularë), gjithashtu edhe në celularin e viktimës për të gjetur pista të dobishme.

Sot 10 tetor 2024, në tregun e këmbimit valutor shqiptar, një dollar do blihet me 89.6 lekë dhe do shitet me 90.7 lekë.

Monedha europiane euro, do blihet me 98.4 lekë dhe do shitet me 99 lekë.

Franga zvicerane, sot në tregun shqiptar do blihet me 104.1 lekë dhe do shitet me 105.1 lekë.

Ndërsa paundi britanik, do blihet me 117.1 lekë dhe do shitet me 118.1 lekë.

Më poshtë, po sjellim të dhënat e këmbimin valutor, për të gjitha monedhat e huaja:

Një ngjarje e rëndë ka tronditur Greqinë. Mbrojtësi Xhorxh Baldock, u gjet i vdekur në pishinën e rezidencës së tij në lagjen luksoze bregdetare të Athinës të Glyfada mbrêmë

Lajmi tronditës u shpërnda gjerësisht nga mediat lokale, pa asnjë detaj të mëtejshëm të disponueshëm. Nuk u njoftua as shkaku i ndarjes nga jeta nese është vetëvrasje, vrasje ose perkeqesim shëndetësor.

Në vendngjarje është nisur një mjek, ndërsa banesa është rrethuar nga policia. Baldock iu bashkua skuadrës greke Panathinaikos këtë sezon duke nënshkruar një kontratë trevjeçare për të luajtur në Superligën greke.

Ai kishte bërë më parë 12 ndeshje me ekipin kombëtar të futbollit të Greqisë pasi një nga gjyshërit e tij ishte me origjinë greke. Lajmi shkaktoi valë tronditëse në të gjithë vendin.

Gjatë karrierës së tij, futbollisti 31-vjeçar ishte pjesë e shumë klubeve angleze, teksa shkëlqeu te Shefild Junajtid, ku u aktivizua 205 ndeshje dhe shënoi 6 gola.

PANORAMASPORT.AL

Uragani “Milton” i cili ka goditur kryesisht Floridën në SHBA është reduktuar në një uragan të kategorisë së dytë.

Pavarësisht kësaj, ai është ende jashtëzakonisht i fuqishëm, duke sjellë përmbytje të mëdha dhe erëra të rrezikshme në rajon, raporton BBC.

“Milton” arriti në tokë pranë Siesta Key në Florida si një stuhi e kategorisë së tretë dhe zyrtarët thonë se pritet të qëndrojë në fuqinë e uraganit ndërsa vazhdon të lëvizë mbi shtetin.

Më shumë se 2 milionë shtëpi dhe biznese janë tani pa energji në të gjithë Florida, me lagje të tëra në errësirë.

Vdekje janë konfirmuar në bregun lindor të shtetit ku zyrtarët thanë se kishin goditur tornadot, megjithëse numri i viktimave është i paqartë.

Miliona njerëz janë larguar nga shteti gjatë të mërkurës pasi u lëshuan dhjetëra paralajmërime për përmbytje, tornado dhe stuhi.

Ajo mbërriti si një stuhi e kategorisë së tretë, me paralajmërime për erëra ekstreme dhe përmbytje të shpejta.