Avokati Elton Laska ka njoftuar se ditën e hënë në orën 19:00 do të mbahet një marshim në sheshin Skënderbej duke kërkuar drejtësi për Egli Progën.
Në postimin e tij, ai shkruan se nuk do të ndalet derisa të vendoset drejtësi Eglin.
Advertisements
“Bashkë për të mbrojtur të ardhmen tonë, bashkë për të kërkuar drejtësi për Eglin!
Marshojmë nesër në orën 19:30 Nga sheshi Skenderbej – Kryministria, kundër krimit që po shkatërron rendin dhe sigurinë publike, kundër manipulimit të provave nga policia e shtetit dhe drejtësia. Koha për të ngritur zërin dhe për të treguar se fuqia e popullit është më e madhe se e krimit”, shkruan Elton Laska.
Advertisements
Tentativa për të fshehur krimin
Ngjarja e rëndë fillimisht u tentua të fshihej, ku u raportua se babai i dy fëmijë Egli Proga kishte humbur jetën për shkak të konsumimit të tepërt të alkoolit.
Advertisements
Pas publikimit të detajeve në media, reagoi edhe Policia e Pogradecit, duke arrestuar autorin Denis Mece, nga fshati Buçimas, si dhe tre të tjerë për moskallëzim të krimit dhe veprime që pengonin zbulimin e të vërtetës.
Denis Mece është nipi i Valter Gorës, një ish-drejtor në poste të rëndësishme në Juglindje, i arrestuar për korrupsion dhe i përfshirë në shumë afera.
Drejtori i Përgjithshëm i Policisë së Shtetit, Muhamet Rrumbullaku, ka urdhëruar hetim për Policinë e Korçës dhe komisariatin e Pogradecit, nëse ka patur apo jo tentativë për të fshehur ngjarjen.
