Përgjimet e “SKY ECC” që kanë në duar prokurorët belgë dhe francez duket se do të shpërbëjnë kastën politike në Shqipëri. Alarmi është dhënë nga Maitre Nathalie Gallant, avokatja e njohur Belge, njëkohësisht edhe avokate mbrojtëse e “Peshkut të madh” Eridan Munoz Guerrero, biznesmenit 51 vjeçar nga Vlora, i akuzuar për trafik ndërkombëtar kokaine. Avokatja Nathalie Gallant gjatë një interviste për “Moustique & La Libre”, ka treguar se do mbrojë dikë gjatë në këto seanca si edhe ka sqaruar mënyrën se ku do konsistojë gjyqi që do mbahet për fakte të ngjashme në datën 8 Prill. Ajo tregon se pjesë e këtij gjyqi janë edhe një kastë e lartë politikanësh në Shqipëri duke ritheksuar kështu se bisedat në SKY kanë zbuluar lidhjet e politikanëve me krimin. “Ai do të përfshijë një tjetër organizatë kriminale shqiptare, e cila ka disa mbivendosje me “Encro”, pasi në mënyrë të veçantë njëri ose tjetri është i akuzuar në të dy proceset. Nëse vetëm atje, ne duket se kemi ende lidhje në nivele shumë më të larta për sa i përket kontakteve politike në Shqipëri dhe riinvestimit të përfitimeve të mundshme patrimonale nga aktivitetet ilegale”, deklaroi ajo.
Advertisements
Pastrimi i parave
Advertisements
Krahas kësaj, Maître Nathalie Gallant, e cila është një nga avokatet më të njohura në Belgjikë ka folur për gjyqin me 128 të pandehur, për pastrimin e parave në Tiranë si edhe lidhjet me politikën në Shqipëri. E pyetur se nëse struktura hierarkike e organizatave kriminale ka ndryshuar, ajo është shprehur se të qenurit “Lider” do të thotë të kesh kapacitet vendimmarrës. “Ne shohim se në gjykimin aktual të “Enco” dhe “Sky ECC”, ka rreth dhjetë menaxherë. E cila, në vetvete, tregon se sistemi piramidal, me një bos në krye, është një model krejtësisht i vjetëruar. Të jesh “lider” në përgjithësi do të thotë të kesh kapacitet vendimmarrës. Në nivelin e tij. Nga ky këndvështrim, mund të kesh një menaxher korrupsioni brenda portit, i ngarkuar me gjetjen e doganierëve për të dhënë ryshfet. Mund të kesh një menaxher që ka kapacitetin të krijojë ose që ka kontaktet që të mund të krijojë kompani për t’i dhënë pamje legale importit të lëndëve narkotike. Të gjithë këta persona konsiderohen se kanë një rol drejtues, pasi me forcë rrethanat japin udhëzime, punësojnë staf. Nuk është aq shumë se ata nuk janë përgjegjës më lart. Është më shumë se ka njerëz që janë përgjegjës para tyre. Kaq mjafton për t’i bërë liderë në kuptimin e ligjit për organizatat kriminale të vitit 1999”, ka thënë ajo. Më tej ajo flet për atë që ajo e quan marrëzi financiare. “Jemi në fakt larg kullave 3 miliardë euro në Tiranë. Ky është një lloj problemi. Ose më mirë problemi. Ky gjykim është disi joproporcional nga mjetet e përdorura, nga numri i të pandehurve. Ky provë “Encro” duket sikur duhet të japim një shembull. Ndërsa, edhe nëse flasim për dhjetëra kilogramë kokainë, apo ndonjëherë edhe qindra kilogramë. Edhe nëse vetë malli vlen dhjetëra miliona, ata që po gjykohen këtu nuk janë miliarderë. Larg andej. Vetëm shikoni kërkesat e prokurorit federal për konfiskim. Një milion euro konfiskohen si objekt pastrimi parash? Çdo muaj e gjej veten në gjyqe për çështje marrëzie financiare “belgo-belge”, ku kemi pastrim parash për shuma shumë më të mëdha”, nënvizoi avokatja Maître Nathalie Gallant.
Akuzat nga SPAK sipas ekspertit Fatjon Softa
Rikujtojmë se lidhje me përgjimet e aplikacionit “SKY” pak kohë më parë ka folur edhe Fatjon Softa, eksperti i sigurisë, i cili është shprehur se akuzat që janë ngritur nga SPAK janë të rënda për si për të arrestuarit për përfshirje në grupe kriminale, trafik, droge e vrasje po ashtu edhe për të dyshuarit qe pritet të dalin nga kjo çështje, që mund të shkojnë deri në 50 veta numri i atyre që do të arrestohen, prej tyre edhe në nivele të larta. Ai shtoi se në përgjimet “SKY” që janë më mijëra faqe, flitet dhe përflitet për shumë emra të njohur të policisë, pushtetit lokal dhe politikanë. “Akuzat që ngrihen nga SPAK janë të rënda sepse flasim për një grup të strukturuar kriminal dhe trafik droge e vrasje. Akuzat dihen për disa persona, ndërsa emri më i rëndësishëm është ai i Erzen Breçanit, një ish-drejtues i lartë i policisë në vend dhe kontributet e tij. Emri i tij ishte një surprizë për të gjithë”, ka deklaruar asokohe Softa.
Çfarë ka ndodhur?
Ndërkohë kujtojmë se çkodimi i mesazheve në aplikacionet “Sky” dhe “Encro” nxori zbuluar zyrtarë të lartë shtetërorë dhe eksponentë të krimit të organizuar, një pjesë e të cilëve u arrestuan më 27 korrik të vitit që shkoi nga SPAK. Emrat e parë që tërhoqën vëmendjen e opinionit, ishte arrestimi i biznesmenit Pëllumb Gjoka, drejtuesit të prokurorisë së Kukësit, Xhevahir Lita dhe ish-drejtuesit të Grupit të Operacionales, Olti Bistri. Ervis Martinaj i zhdukur prej 1 viti pa gjurmë dhe Behar Bajri, plotësuan tablonë e grupit kriminal të mirëorganizuar të shpallur në kërkim. Të gjithë gjenden të pleksur tek vrasja e Gjin Ndojit. Kjo vrasje dhe zbardhja e tre tentativave për vrasje, duke se i fundosi të gjithë. Grupi bëri plan për të vrarë Kleant Musabelliun, Ibrahim Licin, Dorian Dhuli, Taulant Pepajn, Genc Tafilin dhe vëllain e Dhulit. Ndërkaq duhet theksuar se 16 mijë shqiptarë rezultojnë të jenë abonentë në aplikacionin “SKY”. Europol bëjnë me dije se 10% e SKY është referim shqip. Mësohet gjithashtu me dije se po gjenerohen mesazhe pa fund dhe se Shqipëria ka kërkuar 6 poste pune për shkak të volumit, por i dhanë vetëm 2 pasi nuk ka vende sepse agjentë nga e gjithë bota po punojnë për llogari të vendeve të tyre. Po çfarë është aplikacioni SKY? “SKY ECC” është aplikacioni ku njerëz të përfshirë në botën e krimit flasin për organizimin e trafiqeve, porositjen e vrasjeve dhe gjithçka tjetër mbi aktivitetin e tyre kriminal. Dekriptimi i SKY ka çuar në arrestime të emrave të rëndësishëm të botës së krimit. Aplikacioni është çmontuar dhe është mbyllur në vitin 2021 nga një operacion i Europol. Për ta shkarkuar dhe përdorur, duhej të kishe një telefon të posaçëm.
