Vladimir Filaj, Shefi i Shërbimit të Djegie-Plastikës në Qendrën Spitalore Universitare “Nënë Tereza” (QSUT), ka dhënë një informacion të fundit mbi gjendjen shëndetësore të Melisa Trëndafilit, e cila ndodhet në spital pas një sulmi të rëndë nga bashkëshorti i saj, Bledar Trëndafili.
Advertisements
Në një intervistë për Euronews Albania, Dr. Filaj ka deklaruar se Melisa Trëndafili ka pësuar djegie të rëndë që kapin 30-35% të sipërfaqes së trupit.
Advertisements
Sipas mjekut, dëmtimet përfshijnë kryesisht ekstremitetet e sipërme dhe të poshtme, duke përfshirë duar, këmbë, kofshë, parakrahë dhe duar. Dëmtimet janë të klasifikuara si djegie të gradës së dytë dhe të tretë, që kërkojnë trajtim të veçantë dhe kujdes të vazhdueshëm mjekësor.
Mjeku Filaj ka theksuar se, përveç dhimbjeve fizike të shkaktuara nga djegiet, Melisa ka përjetuar një tronditje psikologjike shumë të madhe si rezultat i aktit të tmerrshëm të dhunës nga bashkëshorti i saj.
Advertisements
Ky aspekt emocional është gjithashtu një sfidë e rëndësishme në trajtimin e saj dhe kërkon mbështetje të specializuar.
Aktualisht, Melisa Trëndafili është duke marrë trajtim intensiv në QSUT dhe ekipet mjekësore janë angazhuar për të ofruar ndihmën më të mirë për rikuperimin e saj, duke përfshirë menaxhimin e djegieve dhe mbështetje psikologjike.
