Policia ka dhënë detaje në lidhje me plagosjen e ndodhur në Roskovec në këtë pasdite. Sipas efektivëve, një 15-vjeçar ka plagosur një shtetas 39-vjeçar.
Advertisements
Plagosja dyshohet se ka shkak motivet e dobëta. Gazetarja Marsela Topi raporton se i plagosur ka mbetur shtetasi Gazmir Gjoni.
Advertisements
“Roskovec/Informacion paraprak
Plagosi me mjet prerës (thikë) një shtetas, Policia kap dhe shoqëron menjëherë pas ngjarjes, autorin e dyshuar.
Rreth orës 16:30, në Roskovec, dyshohet se pas një konflikti të çastit, për motive të dobëta, 1 shtetas i mitur, 15 vjeç, ka plagosur me mjet prerës (thikë), shtetasin G. Gj., rreth 39 vjeç.
Advertisements
Nga ndërhyrja e menjëhershme e shërbimeve të Policisë, është bërë e mundur kapja dhe shoqërimi në Komisariat, i shtetasit 15-vjeçar, me të cilin po kryhen veprimet e mëtejshme procedurale.
Ndërkaq, i dëmtuari është transportuar në spitalin e Fierit, ku po merr ndihmë mjekësore. Grupi hetimor po punon për sqarimin e plotë të rrethanave të rastit”, njofton policia.
