“Nëse qëndroni gjatë në tualet bie erë kjo punë”- Komisioni për “TIMS”, Salianji: Kemi arritur që të zbulojmë gjëra të llahtarshme, por po bëni çdo përpjekje që t’i mbyllni me..

Kryetari i Komisionit Hetimor Parlamentar për sistemin TIMS, Ervin Salianji ka deklaruar gjatë mbledhjes se “kemi arritur që të zbulojmë gjëra të llahtarshme”, por akuzoi maxhorancën se po bën çdo përpjekje për t’i mbyllur me forcën e kartonit.

Salianji theksoi se duhet të zbulohet deri ku është përfshirë niveli i zyrtarëve teksa theksoi se deputetët e PS në Komision kanë qëndruar duke bërë sehir, sipas tij, për të penguar hetimit gjatë marrjes në pyetje të dëshmitarve të thirrur në mbledhjet me dyer të mbyllura.

“Nëse qëndroi gjatë në tualet bie erë kjo punë, po bie shumë erë që doni të mbroni prapë dhe siç e keni mbrojtur, do të zbulohen se janë në proces verbal”, tha ai.

Ervin Salianji: Po qëndruat shumë kohë në tualet ngatërroni vendin, edhe shfryni këtu. Nuk është vendi këtu për të shfryrë por për të hetuar,. Kështu e keni marrë gjysmën e kohës së Komisionit, keni ikur atje. Në tualet është ai muhabet, jo këtu. Nëse qëndroi gjatë në tualet bie erë kjo punë, po bie shumë erë që doni të mbroni prapë dhe siç e keni mbrojtur, do të zbulohen se janë në proces verbal. Kemi qëndruar deri në 4 të mëngjesit duke pyetur drejtuesit e lartë të Policisë së Shtetit, zyrtarë dhe ju keni qëndruar duke bërë sehir. Ju keni qëndruar për të penguar hetimin, hetimit nuk iu është shkuar deri në fund. Duhet të zbulojmë deri ku është i përfshirë niveli i zyrtarëve.

Ne kemi arritur që të zbulojmë gjëra të llahtarshme deri tani, po ua them dhe ju pasi i kemi zbuluar këto, po bëni çdo përpjekje që ta mbyllni me forcën e kartonit, duke shmangur zyrtarë të tjerë.”