Për herë të dytë brenda dy muajsh, një restorant në plazhin e Rrjollit në Velipojë është vënë në shënjestër të ngjarjeve kriminale.
Advertisements
Herën e parë me zjarr ndërsa mëngjesin e sotëm me tritol. Fatmirësisht njëri prej pronareve ka shpëtuar për mrekulli, pasi ka qenë duke fjetur pak metër më larg, kur ka shpërthyer tritoli. Nga shpërthimi ka vetëm dëme materiale.
Advertisements
Pronari Andis Daja tregon se prej 10 vitesh jeton në Gjermani dhe të gjitha kursimet i ka investuar në fushën e turizmit në këtë restorant. Ai i bën thirrje policisë dhe prokurorisë të zbardhin ketë ngjarje të përsëritur.
“Mbrëmë nga ora 3:00 e natës më ka marrë vëllai në telefon. Është hera e dytë që ndodh. Ka ardhur nga mbrapa dhe ka hedhur lëndë shpërthyese, për fat të mirë vëllai ka qëlluar pak metra më tutje dhe nuk ka pasur dëme fizike.
Unë jam emigrant në Gjermani që 10 vite. E pash të arsyeshme të bëja një investim në vendin tim, dhe shikoje çfarë ndodh. Të vijnë të sulmojnë pa i pasur kujt borxh, as asgjë, nuk e di, shumë i zhgënjyer. Shpresoj që policia të merret seriozisht se është hera e dytë, të gjenden autorët sa më shpejt.”-u shpreh ai për Top Channel.
Rreth orës 3 të mëngjesit, dy persona të maskuar janë afruar lokalit dhe njeri prej tyre, nga pas, ka hedhur lenden plasëse mbi soleten e restorantit dhe me pas janë larguar me shpejtësi.
