I riu i plagosur mbrëmjen e djeshme në Gjirokastër, ndodhet në gjendje të rëndë për jetën.
Advertisements
Policia lokale bën të ditur se, Ledion Haska, 21 vjeç, u plagos me thikë në lagjen ‘Kodra e Shtufit’, dhe është dërguar me urgjencë për në Spitalin e Traumës në Tiranë, ku ndodhet në gjendje kritike.
Advertisements
Nga ana tjetër, në orët e para të ditës së sotme është arrestuar autori i dyshuar i këtij krimi, Luljan Dhima, 29 vjeç.
Njoftimi i Policisë së Gjirokastër:
Advertisements
Në vijim të informacionit paraprak të dhënë mbrëmjen e djeshme, për ngjarjen e ndodhur në lagjen ‘Kodra e Shtufit’, ju informojmë se specialistët për Hetimin e Krimeve të Rënda në DVP Gjirokastër arrestuan në flagrancë për veprën penale ‘Plagosja e rëndë me dashje’, shtetasin L. Dh., 29 vjeç, banues në Gjirokastër, pasi gjatë një konflikti të çastit për motive të dobëta, ka goditur me mjet prerës (thikë), shtetasin L. H., 21 vjeç, banues në lagjen ‘Kodra e Shtufit’, i cili aktualisht ndodhet në spitalin e Traumës, Tiranë, në gjendje të rëndë shëndetësore.
Në cilësinë e provës materiale u sekuestrua mjeti prerës (thikë).
