Policia e Parmës ka arrestuar një person të kërkuar si autor të tentativës së vrasjes së një shqiptari më 18 Tetor të këtij viti në Reggio Emilia, në ambientet e një lokali.
Advertisements
I arrestuari është një maroken 32-vjeçar, i ndaluar nga oficerët në fshatin Caprara, në komunën Campegine të Reggio Emilia. Sipas mediave italiane, ai u dërgua në burg në “Via Burla”.
Advertisements
Sipas hetuesve, marokeni pas një sherri për arsye banale që ka ndodhur në lokal, ka goditur 6 herë me thikë në fytyrë, qafë dhe fyt shqiptarin, shkruan media italiane. Me gjithë plagët e marra, viktima ka arritur të shpëtojë dhe të kërkojë ndërhyrjen e policisë.
Ndërhyrja e menjëhershme dhe dërgimi në spital i shpëtuan jetën të riut. Pas këtij episodi, lokali u mbyll për shtatë ditë.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
