Ergys Verdho, ish-drejtori i Korporatës Elektroenergjitike Shqiptare, abuzon hapur me pagesën e faturave të energjisë elektrike, duke paguar më pak para se çdo qytetar tjetër i këtij vendi, dhe këtë e bën falë një “marifeti” me aparatin matës të energjisë elektrike, siç e ka ekspozuar gazetarja Rovena Cerka.
Advertisements
Por kjo është vetëm maja e akullnajës për “bëmat” e Verdhos, i cili ka mbajtur postin e disa prej drejtorive më të rëndësishme që qarkollojnë sasi të mëdha parash por njëkohësisht që kanë qenë në qendër të mega-skandaleve korruptive për vjedhje milionëshe euro si KESH dhe ARRSH.
Siç zbulon gazetarja Cerka, Verdho paguan më pak drita sesa abonentët e tjerë. Sepse lidhja e tij e instaluar ka një fuqi prej 9 kË, ndërsa sahati i tij ka një fuqi prej 20a po 25 Amper. Kjo thonë ekspertët çon në një faturë më të reduktuar.
Advertisements
Verdho rezulton se ka themeluar kompaninë V&CE Studio me bashkëaksioner Ndriçim Allkaj, pasi ka marrë tenderin e parë, ai ka vendosur ta shesë kompaninë për 50 euro. Kjo kompani ka marrë tendera publikë në bashkëpunim me kompaninë SPHERA shpk, e cika ka kaluar në disa akte dhurimi të njëpasnjëshme që ngrenë dyshime se kush është pronari faktik.
Gazetarja thotë se kompanitë e themeluara prej Verdhos janë shitur për çmime qesharake dhe kanë kaluar disa herë në duar të ndryshme, skemë e ngjashme me atë të Ervis Berberit, për të humbur gjurmët e pronarit faktik dhe që më pas të përfitojnë tendera publikë.
“Kjo kompani është dhuruar disa herë, dhe në momentin që Ergys Verdho është në krye të ARRSH-së, kjo kompani kalon sërish në pronësi të Sokol Imerajt, duke bërë kështu që kjo kompani të fillonte ringritjen e saj në fushën e tenderave publikë. Sokol Imeraj dhe Ergys Verdho kanë bashkëpunuar në ndërtimin e disa objekteve në kompani të tjera, ku Imeraj ka qenë arkitekt dhe Verdho ka patur rolin e konstruktorit. Ai ka favorizuar kështu kompaninë e themeluar prej tij për të marrë tendera publikë”, shpjegon gazetarja Cerka.
Advertisements
Ajo tregon edhe se si Verdho arriti t’i shkaktojë arkës së OSHEE një dëm prej plot 1.5 milionë euro, duke shitur energjinë me çmim të lirë prej 150 euro në kohë krize, dhe më pas duke blerë energji nga tregjet e huaja me çmim prej 250 euro.
“Në pikën e krizës energjetike në Shqipëri, hidrocentrali kishte mundësi të ruante energji, por Verdho vendosi që të prodhohej energji dhe të shitet me vlerë 150 euro në tregun ndërkombëtar, duke sjellë vetëm 1.7 milionë euro fitime. Por Shqipëria duhet të kishte sërish energji, dhe kështu lind menjëherë nevoja për të blerë energji nga tregu ndërkombëtar me një vlerë prej 290 eurosh, gati dyfish nga çmimi i shitjes duke paguar në tregun ndërkombëtar 3.2 milionë euro. Duke sjellë kështu humbje prej plot 1.5 milionë euro”, thotë gazetarja Cerka.
