Tritoli në shtëpinë e gjyqtarit, Policia: 30 mijë euro për ‘kokën’ e autorit

by editor

Policia e Shtetit ka vendosur një shpërblim prej 30 mijë eurosh për këdo që jep informacion në lidhje me autorin i cili vendosi tritol në derën e gjyqtarit të Shkodrës, Tonin Sterkaj.

Policia në këtë rast bën me dije se çdo informacion që mund të çojë në kapjen e autorit është i vlefshëm.

“Grupi i posaçëm hetimor, në drejtimin e Prokurorisë, ka kryer një sërë veprimesh hetimore dhe procedurale, si dhe vijon punën intensivisht, për administrimin e çdo prove që do t’i shërbejë identifikimit të autorit/ëve, zbardhjes dhe dokumentimin të rrethanave të ngjarjes.

Krahas veprimeve intensive të grupit hetimor, Drejtoria Vendore e Policisë Shkodër kërkon ndihmën e qytetarëve për identifikimin e shtetasit që shfaqet në pamjet filmike të sekuestruara.

Për çdo informacion të vlefshëm që do t’i shërbejë hetimit, me qëllim identifikimin e autorit/ëve të rastit, DVP Shkodër vë në dispozicion shpërblimin 30 000 euro.

Kushdo që ka informacion duhet ta dërgojë në numrin 069 41 05 436. Policia e Shtetit iu garanton anonimat të sigurtë.

Drejtoria Vendore e Policisë Shkodër siguron qytetarët se është maksimalisht e angazhuar për të garantuar rend dhe siguri publike” thuhet në njoftim.

You may also like