Një polic serb është vrarë dhe një tjetër ka mbetur i plagosur. Ngjarja sipas Zëvendëskryeministri i Serbisë, Ivica Daçiç ka ndodhur në Loznicë në orët e para të së enjtes.
Advertisements
Ministria e Brendshme e Serbisë ka thënë se në vendngjarje është gjetur një pasaportë e të dyshuarit të lëshuar nga autoritetet e Kosovës me emrin e Artan Hajzirit, dhe një dokument tjetër gjerman identifikimi.
Advertisements
Ivica Daçiç ka thënë se ngjarja ka ndodhur rreth orës 00:55, kur zyrtarët policorë, teksa kanë qenë duke kontrolluar makinat në një pikë kontrolli në Lipniçki Shor, kanë ndaluar një makinë Mercedes, me targa të Tutinit të Serbisë, në të cilën kanë qenë dy persona.
Sipas Ministrisë, njëri prej personave, më pas, ka qëlluar me armë duke e goditur zyrtarin policor Nikolla Kërsmanoviç në gjoks dhe zyrtarin policor Iliç Vjekosllav në shpatull, dhe më pas është larguar.
Advertisements
Sipas saj, policia është në kërkim të autorit të dyshuar të ngjarjes.
