Është përuruar sot në Pejë, në përvjetorin 16-të të Pavarësisë, monumenti i ish-Presidentit të Kosovës, Ibrahim Rrugova.
Advertisements
Kryetari i Lidhjes Demokratike të Kosovës, Lumir Abdixhiku, tha se ashtu siç është i skalitur përgjithmonë në zemrën e çdo shqiptari, Rugova po përurohet i skalitur përgjithmonë edhe në bronz në Pejë, në qytetin ku ai e ka mbaruar shkollimin e mesëm.
Advertisements
“Sot, me përurimin e shtatores së Presidentit Rugova në Pejë, ne po nderojmë vetë vlerat e lirisë dhe pavarësisë sonë. Po i nderojmë të gjithë ata që dhanë jetën për vendin. Po i nderojmë të gjithë ata që kontribouan për vendin. Po e nderojmë krejt rrugëtimin tonë të shenjt. Po e nderojmë vendin tonë; Republikën e Kosovës, sepse Republika e Kosovës dhe emri i Ibrahim Rugovës janë NJË”, tha Abdixhiku.
Sipas tij, Ibrahim Rugova pas vete la një trashëgimi të pasur intelektuale dhe një trashëgimi politike, me rezultate të papërsëritshme e monumentale.
Advertisements
“Nuk ka ditë e nuk ka datë më përmbajtjesore sesa kjo e pavarësisë, për të zbuluar shtatoren e shqiptarit më të madh, e të djathtit më të madh e tradicional, themeluesit të Lidhjes Demokratike të Kosovës, njeriut më meritorë për Republikën, atit themeltar të shtetit të Kosovës, Presidentit historik, Dr. Ibrahim Rugova”, tha Abdixhiku.
