Të “varrosura” në tokë dhe në kasaforta të blinduara, si i ruanin grupet kriminale milionat e eurove. Sekuestrohen florinj, ora e makina luksoze

Në njoftimin zyrtar për goditjen e shtatë grupeve kriminale, SPAK ka publikuar edhe pamje nga ky megaoperacion, i cili zgjati rreth 20 orë dhe u shtri në gjashtë qytete të vendit.

Prokuroria bëri me dije se gjatë kontrolleve janë gjetur dhe sekuestruar pasuri me vlerë 3 milion euro.

Në fotot e publikuara dallohen një sasi e madhe parash, rreth 3 milion euro cash, bizhuteri, ora dhe makina të sekuestruara.

Një pjesë e tyre ishin të groposura në tokë. Prokuroria e Posaçme ka sekuestruar ora, florinj, automjete luksoze dhe bizhuteri.