Në qytetin luksoz dhe të qetë të Luganos në Zvicër, ujërat janë trazuar nga prezenca e ish-ministrit shqiptar në arrati prej drejtësisë që strehohet aty, Arben Ahmetaj.
Advertisements
Prezenca e Ahmetajt në Lugano ka trazuar politikën lokale të qytetit italisht-folës, teksa Bashkia është detyruar të sqarojë nëse ka dijeni se Ahmetaj strehohet pikërisht në një vilë luksoze që është në pronësi të qytetit.
Advertisements
Janë tre këshilltarët lokalë Raoul Ghisletta, Edoardo Cappelletti dhe Mattea David, që kanë kërkuar një seancë interpelance që në muajin shkurt, e shtyrë më pas për në mars, duke ndryshuar edhe objektivin nga interpelancë në hetim, për të sqaruar nëse Bashkia është në dijeni se në vilën në rrugën “Via S. Franscini” banon rregullisht Arben Ahmetaj me bashkëshorten e tij.
Drejtuesit e departamenteve të Pasurive të Paluajtshme dhe të Sigurisë janë pyetur për të marrë përgjigjen e këtyre pyetjeve ndërsa janë informuar se është e vërtetë që ndërtesa është në pronësi të Bashkisë, por emri i Ahmetajt nuk figuron.
Advertisements
Kjo vjen për shkak se banesa është në emër të partneres së tij Erjola Hoxha, e cila ka firmosur kontratën. Megjithatë, Arben Ahmetaj, si të gjithë qytetarët e tjerë duhet të regjistrohet siç e parashikon ligji, por nuk e ka bërë ende një gjë të tillë.
Sipas gazetave në Ticino, dyshimet ekzistojnë edhe për një transfertë bankare në degën e Credit Suisse në Lugano në vlerën e 1.8 milionë euro të bërë nga një prej ortakëve të Ahmetajt, për çka SPAK ka kërkuar informacion nga autoritetet vendase.
“Në këtë pikë mbetet për t’u kuptuar se çfarë do të bëjë Zvicra, duke pasur parasysh edhe faktin që autoritetet zvicerane e konsiderojnë Shqipërinë një vend të sigurt. Marrja e azilit për Arben Ahmetajn nuk do të jetë një “shëtitje në park”, edhe nëse krahasuar me ata që jetojnë në qendra speciale situata e tij është shumë më komode.
Por kjo nuk do të thotë se do të zgjasë. Zyrtarisht, Tirana nuk ka kërkuar ekstradim pasi deri pak kohë më parë nuk dihej vendbanimi i politikanit të arratisur. Tani që është konfirmuar prania e tij në Lugano, nuk përjashtohet që së shpejti dikush të trokasë në derën e Via Franscini”, thuhet ndër të tjera në raportimet me medieve vendase.
