Krimi i rëndë në familjen shqiptare në Greqi/ E masakruar me thikë dhe e mbuluar me gjak, publikohen pamjet e 40-vjeçares pak minuta pas vrasjes (Video)

by editor

Pamje të rënda janë publikuar nga mediat greke lidhur me ngjarjen tronditëse të shënuar mëngjesin e kësaj të enjte në Menidi, ku Enkelejda Danaj u masakrua me thikë nga bashkëshorti i saj Eduart Danaj.

Në videon e publikuar shihet trupi i 40-vjeçares i shtrirë në mes të rrugës, ndërkohë vendi është i “larë në gjak”.

Ngjarja ndodhi mëngjesin e sotëm në Menidi të Greqisë, ku Eduart Danaj i bëri pritë bashkëshortes së tij. Gruaja po përshkonte rrugën që bënte çdo ditë, kur para i doli partneri dhe pas një debati e qëlloi 10 herë me thikë në bark dhe ashtu të gjakosur e la në mes të rrugës.

50-vjeçari është shpallur në kërkim nga policia greke, i dyshuar autor i kësaj vrasje. Policia greke dyshon se vlonjati është autori i kësaj masakre pasi edhe më herët Enkelejda Denaj e kishte denoncuar tre herë bashkëshortin e saj për dhunë në familje.

Për herë të parë gruaja ka denoncuar burrin për dhunë në familje më 3 Prill të 2013. Atë kohë bashkëshorti u arrestua.

Një tjetër denoncim është bërë në 18 shtator të 2022, ku viktima ka denoncuar burrin për kërcënime, lëndim fizik dhe dhunë psikologjike. Atë kohë sërish ai ra në prangat e policisë dhe u lirua disa kohë më vonë. 50-vjeçari u rikthye sërish te banesa e bashkëshortes së tij, pa çka se kishte një urdhërndalimi që t’ i afrohej.

Ishte vetë 40-vjeçarja ajo e cila i hapi derën e shtëpisë partnerit të saj dhunues duke u dhënë dhe një tjetër mundësi. Mirëpo burri i dhunshëm duket se nuk do të hiqte “huqin”. 40-vjeçarja sërish më 7 maj të 2024 ka denoncuar në polici, sërish bashkëshortin për dhunë në familje (kanosje, lëndim fizik dhe abuzim verbal).

You may also like