Një 50-vjeçar shqiptar ka goditur pronaren e një hoteli Gallo në Castel San Pietro, në Itali, vrasje e mbetur në tentativë.
Advertisements
50-vjeçari kishte dhënë dorëheqjen rreth një muaj më parë, por vazhdimisht frekuentonte ambientin ku ai punonte më parë.
Advertisements
Sipas mediave italiane, sulmi mbetet një mister pasi nuk janë zbuluar akoma arsyet se pse ish punonjësi sulmoi me thikë pronaren e hotelit.
Ai e goditi 8 herë me thikën pronaren me armën që e kishte marrë nga shtëpia e tij. Gjithashtu edhe pas marrjes në pyetje ai ka përsëritur vazhdimisht “më thanë që ta bëj”, gjë e cila ka ngjallur dyshime për gjendjen e tij psikike.
50-vjeçari thuhet se frekuentonte shpesh ambientin duke mos shfaqur probleme në sjellje, apo shenja inati të akumuluar pasi shpesh takohej dhe përshëndetej me ish kolegët madje edhe me pronaren që ai sulmoi.
