Prokuroria e Tiranës, ka relatuar konkluzionet përfundimtare për skandalin gjatë kohës së pandemisë Covid 19. Organi i akuzës ka kërkuar dënimin e Tire Alldervishit me 7 vite burgim, për veprën penale të “Mashtrimit” të kryer në bashkëpunim, më shumë se një herë dhe që ka sjelle pasoja të rënda.
Advertisements
Nga 6 vite burg, prokurori Bleldar Valikaj, ka kërkuar për infermieret Sheqerije Koci, Sidorela Çela, Erjola Jazxhi, Gylbra Halilaj, ato akuzohen për “mashtrim me pasoja të rënda” dhe “shpërdorim detyre”.
Advertisements
Prokuroria kërkoi 6 vite burg edhe për sanitaren tjeter Rukije Hoxhaj.
Skandali “Tire”, u publikua për herë të parë në një emision investigative dhe nëpërmjet video-përgjimeve, u zbulua se ajo duke u prezantuar si infermiere familjareve te pacientëve që ishin të shtruar në spitalin “Shefqet Ndroqi”, duke u marrë para në kërkim të shërbimit.
Po ashtu, Tire Alldervishi, u filmua nga një vajzë të cilës arriti t’i zhvaste rreth 8 milionë lekë, duke i premtuar se do kujdesej për nënën e saj që ishte me Covid-19.
Por pacientja ndërroi jetë. Procesi gjyqësorë është zhvilluar me gjykim të zakonshëm prandaj ka zgjatur në kohë.
